ગ્રેગરી

૨૦૧૫ નુ વર્ષ શરૂ થયું. નવા બાળકો નુ આગમન સાથે નવા અનુભવો.
અમેરિકા મા છેલ્લા બાર તેર વર્ષથી હું મંદ બુધ્ધિના બાળકો સાથે કામ કરૂં છું અને છેલ્લા થોડા વર્ષોથી નાના ત્રણથી પાંચ વર્ષની વયના બાળકો સાથે કામ કરૂ છું, પણ ગ્રેગરી જેવો બાળક પહેલી વાર અમારા ક્લાસમા આવ્યો.
ત્રણ વર્ષનો ગ્રેગરી આંખે ઓછું જુવે છે. ગોરો ગોરો રેશમી સોનેરી જુલ્ફાવાળો ગ્રેગરી જોતાની સાથે જ કોઈની પણ આંખમા વસી જાય. છે ત્રણ વર્ષનો પણ હજી જાણે ભાંખોડિયા ભરતુ બાળક. મા હમેશ એને તેડીને ફરે એટલે ચાલવાનો ચોર. અમારી સામે પણ હાથ લાંબો કરી ઊભો રહી જાય. ખાવામા બેબી ફુડ અને દુધની બોટલ. ચકોર એટલો કે ઘડીભરમા ક્યાં થી ક્યાંય પહોંચી જાય. પુરૂ દેખાય નહિ પણ ઊઠતો, ગબડતો આખા ક્લાસમા ફરી વળે. ભુખ લાગે ત્યારે ભેંકડો તાણે અને પળભર મા ખાવાનુ જોઈએ. એ સિવાય એટલો ખુશમિજાજ કે પરાણે લાડ કરવાનુ મન થાય. સમન્થા અને હું બન્ને મા થી એક એની આગળ પાછળ જ હોઈએ.
સ્કુલમા બધા એને જોઈ રમાડવા ઉભા રહી જાય અને મજાકમા કહે સમન્થા તુ એની મા અને મીસ મુન્શા એની દાદી.
ગ્રેગરી બે ચાર દિવસમા જ અમારો હેવાયો થઈ ગયો. અમે હાથ પકડીને ચલાવી તો સરસ ચાલવા માંડ્યો. અમારી સાહિરા તો જાણે એની મોટી બેન હોય તેમ એટલું બધુ એનુ ધ્યાન રાખે.
આજે સમન્થા એ મને વાત કરી, “મીસ મુન્શા તને ખબર છે ગ્રેગરી ને પણ એની મા ના બોયફ્રેન્ડે પછાડ્યો હતો જ્યારે એ માંડ બે વર્ષનો હતો,અને કારણ શું, તો એ બહુ રડતો હતો” હું સ્તબ્ધ બની ગઈ. સત્તર અઢાર વર્ષની ઉમરે જાતીય સુખ માટે થયેલો પ્રેમ અને પરિણામ સ્વરૂપ બાળક. જેની જવાબદારી લેવાની ફર્જ, કે પ્રેમ આપવાની તૈયારી નહિ.
આજે ભારતમા ૫ સપ્ટેમ્બર શિક્ષક દિન તરીકે ઉજવાય છે અને બધાને ખબર છે કે મા એ સહુથી પહેલી શિક્ષીકા છે બાળકના જીવનમા જે બાળકને પ્રેમ તો કરે જ છે પણ સથે સારા સંસ્કાર અને યોગ્ય કેળવણી પણ આપે જ છે.
જ્યારે પણ ગ્રેગરી જેવા બાળકને જોઉં છું, ત્યારે મને એક શિક્ષક હોવા બદલ સ્વ માટે એક માન ની લાગણી થાય છે, અને સાથે જગતનિયંતા નો આભાર કે મને આ બાળકોના જીવનમા કશુ સારૂં પરિવર્તન લાવવા સહભાગી બનાવી છે.એમને બને એટલો પ્રેમ આપવા અને સારી સમજ આપવા મને સતત પ્રેરણા આપી છે.
જીંદગી આખી એક શિક્ષક તરીકે જીવી છું અને આજે વર્ષો પહેલા મારા હાથ નીચે ભણી ગયેલા ભારતના બાળકો હોય કે અહીં અમેરિકા મા થોડા વર્ષોના ના મારા આ બાળકો.જ્યારે દિલથી યાદ કરે છે, માનથી બોલાવે છે, શિક્ષણ ને દિપાવે છે, વહાલથી આવી વળગી પડે છે, ત્યારે સાચો શિક્ષક દિન લાગે છે.

શૈલા મુન્શા તા. ૦૯/૦૫/૨૦૧૪

Advertisements
This entry was posted in Daily incidents.. Bookmark the permalink.

4 Responses to ગ્રેગરી

  1. પ્રશાંત મુન્શા says:

    શિક્ષક + નાના ભૂલકાઓ + શાળા + મા + નિઃસ્વાર્થ પ્રેમ + લાગણી = ખરેખર લાગે છે કે સાચા અર્થમાં અહિં સાથે મળીને સૌએ ભારતનો શિક્ષક (ગૌરવ) દિવસ ઉજવ્યો. – પ્રશાંત મુન્શા

    Like

  2. chaman says:

    I liked it. I was one time teacher in India also. I can understand teacher.
    Keep it up and don’t forget to save your articles.

    Like

  3. Pragnaji says:

    i feel the same my husband was teacher શિક્ષક (ગૌરવ) દિવસ ​તો રોજ જ હોય ​

    Like

  4. રાજેશ પટેલ says:

    સાચા શિક્ષકનો પ્રેમ સદા કાળ ટકે છે, કારણ કે તે સ્વાર્થથી પર હોય છે.
    બાળકો પણ મોટા થયા બાદ આવા શિક્ષકોને ક્યારેય ભૂલતા નથી, કેમ કે તેમના પર આવા શિક્ષકોનો પ્રભાવ શાશ્વત હોય છે.
    આવા બાળકોનો નિર્દોષ પ્રેમ હંમેશા મેળવતા રહો…………………..

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s